Ena quatre qualités madd-e-far’ee :

1.     Madd-e-Muttasil

2.     Madd-e-Munfasil

3.     Madd-e-Aaridh Waqfi ( et aussi madd-e-leen Aaridh)

4.     Madd-e-Laazim

---------------------------------------------

Madd-e-Muttasil :

Quand après lettre de Madd éna hamzah dans même mot, nous appelle li Madd-e-Muttasil.

Exemples:

َجآءَ                     , مِنْ سُوْءٍ                 , يُضِيْءُ

 Sa qualite Madd la nous bizin risse li longueur 2 alifs ou  2½ alifs, ou bien 4 alifs.

---------------------------------------

 

Madd-e-Munfasil :

Quand ena lettre de Madd dans finission de ene mot et  hamzah dans commencement de ene l’autre mot ki vini après, nous appelle li Madd-e-Munfasil.

Exemples:

كَمَآ أُمِرْتَ                     , تُوْبُوْا إِلَيْهِ                 , وَيَهْدِىْ إِلَيْهِ

 Sa qualite Madd la nous bizin risse li longueur 2 alifs ou  2½ alifs, ou bien 4 alifs.

 Madd-e-Aaridh Waqfi :

Quand faire waqf (arrêter) lor ene lettre mutaharrik (ene lettre ki ena harkat avec li) ki trouve après lettre de madd. Donc sa lettre mutaharrik la vine saakin (temporairement) a cause waqf.

Exemples:

خَلَقَ الإِنْسَانَ                     , فَيَكُوْنُ                 , مُسْتَقِيْمٍ

 Dans Madd-e-Aaridh waqfi ena trois différents longueur capave risser.

(1) Tool    (2) Tawassut    (3) Qasr

Tool : veut-dire risser longueur 3 alifs ou 5 alifs.

Tawassut : veut-dire risser longueur 2 alifs ou 3 alifs.

Qasr : veut-dire risser longueur 1 alif.

 Mais dans tous les trois, Tool pou gagne priorité, ensuite Tawassut, et ensuite Qasr.

  Ena ene l’autre Madd ki nous appelle li Madd -e-Leen Aaridh, sa qualité Madd la pou faire quand ene personne arrête lor lettre de leen.

Lettre de leen veut dire quand ena ene fathah avant ene waaw saakin ou ene yaa saakin.

Exemples :

 أَوْ    ,    بَوْ     ,    أَيْ    ,     بَيْ

Exemples de Madd-e-leen Aaridh.

مِنْ خَوْفٍ    ,  وَلاَ نَوْمٌ     ,    وَ الصَّيْفِ    ,  ذلِكَ خَيْرٌ

Ø Dans Madd-e-leen Aaridh aussi ena trios différents longueur capave risser mais ici Qasr pou gagne priorité, ensuite Tawassut, et ensuite Tool.

Longueur Qasr,Tawassut et Tool dans Madd-e-leen Aaridh :

·        Qasr : veut-dire risser longueur 1 Harkat (½ alif).

·        Tawassut : veut-dire risser longueur 1 alifs ou 1½  alifs.

·        Tool : veut-dire risser longueur 2 alifs - 2½ alifs ou 3 alifs.

Madd-e-Laazim :

Quand après lettre de Madd ena ene soukoun originale. (Soukoun originale veut dire ene soukoun permanent dans ene mot et li pas changer même quand arrêter ou bien continuer)

Exemple:

الضَآلِّيْنَ

Sa qualité madd la vine dans quatre différentes façons dans Quraan (c’est-à-dire lettre de madd la, soit li dans ene mot ou bien dans bannes lettres (hourouf-e-muqatwa’aat) et dans tous les deux soit après lettre de madd la ena tashdeed ou bien soukoun.

(1). Exemple de ene madd après ki ena ene tashdeed dans meme mot : (Appelle sa kilmi muthaqqal)

الضَآلِّيْنَ   , دَآبَّةٍ   ,  الحَآقَّةُ

(2). Exemple de ene madd après ki ena ene soukoun dans meme mot : (Appelle sa kilmi mukhaffaf)

آلْئنَ  

(Ene seul l’exemple ena dans Quraan pou sa)

(3). Exemple de ene madd après ki ena ene tashdeed dans bannes hourouf-e-mouqatwa’aat. (Appelle sa harfi muthaqqal)

المّ   ,   طسمّ

(4). Exemple de ene madd après ki ena ene soukoun dans bannes hourouf-e-mouqatwa’aat. (Appelle sa harfi mukhaffaf)

الر   ,   يس   ,   ق   ,   كهيعص

v Tous sa bannes qualités Madd la nous pou bizin risse zotte longueur Tool  (3 alifs ou  5  alifs).

Madd-e-Leen Laazim :

Quand après lettres de leen ena soukoun originale.

Exemple : lettre     ع     (A’in) dans le mot       كهيعص        et aussi dans      عسق

Dans Madd-e-Leen Laazim aussi ena trois différents longueur capave risser.

(2) Tool    (2) Tawassut    (3) Qasr

Mais dans tous les trois, Tool pou gagne priorité, ensuite Tawassut, et ensuite Qasr.

Ena deux qualités Madd:

1.     Madd Asli  et  Madd Far’ee 

Madd Asli :

Si après lettre de Madd péna ni hamzah ou bien soukoun, nou faire Madd Asli.

Exemples:             للهِ      , الْعلَمِيْنَ ,     قَالَ ,      أَعُوْذُ

·        Sa qualité Madd la bizin risse li longueur ene Alif.

·         li pas correct pou risse li plus ki ene alif et ni li correct pou risse li moins ki ene alif.

·         li Haraam pou ene personne faire sa parceki si li risse li plus ki ene alif sa veut dire li pe   ajouter dans Quraan et si li lire li moins ki ene alif sa veut dire ki li diminuer (retirer) depuis Quraan.

·        Li haraam pou ajouter ou bien retirer depuis dans Quraan.

Madd Far’ee 

Si après lettre de Madd éna hamzah ou bien soukoun nou appelle li Madd Far’ee.

Exemples :

آلئنَ   ,        وَالْمَلاَئِكَةُ   ,          هؤُلاَءِ   ,          بِضَارِّيْنَ   ,      مَآأَوْحى

Règlement : Madd

MADD   (       ~   )

Madd veut dire risser. Pou faire madd bizin ena lettre de madd. (Hourouf ul maddah).

Ena trois lettres de Madd:

1. Alif - quand ena fathah avant li. Exemple :   قَالََ

2. Waow saakin – quand ena dwammah avant li. Exemple :   قُوْلُوْا

3. Yaa saakin – quand ena kasrah avant li.  Exemple :   قِيْلَ

Règlement : Raa (ر)

Normalement nous lire (ر) pleine bouche, excepté dans 4 conditions :-

1.     Si ena Kasrah en bas Raa (ر ):

E.g                      رِجَالٌ                     وَالْفَجْرِ

___________________________________________________________________________

2.     Si ena Raa saakin (رْ) et avant li ena “Kasrah Original” qui trouve dans même mot et après sa Raa saakin (رْ) là pena éne parmi sa 7 lettres là. (خ ق ط ظ ص ض غ ):

E.g                      مِرْيَهٍ                     فِرْعَوْنُ

___________________________________________________________________________

3.     Si ena Raa saakin (رْ) et avant li ena Yaa saakin (يْ):

E.g                      خَيْر                       خَبِيْر 

___________________________________________________________________________

4.     Si ena (رْ) et avant li éna éne lettre sakin et avant li ena Kasrah.

E.g                        الّذِكْر                      حِجْر

Deux laam (ل) dans nom Allah.

1. Si avant deux laam dans le mot Allah (الله), ena ene lettre qui ena fathah (zabar) ou bien  dhwammah (pesh), nous pou bizin lire sa deux laam la pleine bouche (mufakh-kham).

Par exemple :

Quand ena fathah avant laam	سُبْحنَكَ اللّهُمَّ	عِنْدَ اللهِ
Quand ena Dhwammah avant laam	وَإِذْ قَالُوا اللّهُمَّ	وَاتَّقُوا اللهَ

2. Si avant deux laam dans le mot Allah (الله), ena ene lettre qui ena kasrah (zer), à ce moment la pou bizin lire sa deux laam la avec la bouche normale (muraqqaq).

Par exemple :

Quand ena kasrah avant laam

قُلِ اللّهُمَّ

بَلِ اللهُ

Ghounnah

Ghounnah : veut dire produire ene son depuis dans nenez.

Nous faire ghounnah lor ene noon ki ena tashdeed lor li (نّ) nous appelle li Noon Mushaddad 

.

Exemple:  

إِنَّ  ,  هُنَّ   , لكِنَّ   ,  النَّاسِ

                           

Et aussi ene meem ki ena tashdeed lor li   (مّ) nous appelle li Meem Mushaddad 

Exemple : إِمّاَ  ,  عَمَّ   , ثُمَّ                                    

                       

Quand faire ghounnah nous risser longueur ene Alif.

Règlement de Meem saakin:

 Ena trois règlements concernant meem saakin

1. Izhaar              2. Ikhfaa                 3. Idghaam

1.     Izhaar – إِظْهَار : veut dire lire normale et claire.

Si après meem saakin ( مْ ) n’importe qui lettre apart BAA   ( ب )et MEEM   (  ( مْvini, bizin faire izhaar.

(C’est-à-dire parmi sa 28 lettres arabe la, apart baa et meem, n’importe qui lettres vine après meem saakin).

Alor bizin lire meem saakin la claire sans lire dans nenez.      اَلْحَمْدُ

Exemples :

                                          عَلَيْهِم وَ لاَ الضَّآلِّيْنَ                اَلْحَمْدُ                         

2. Ikhfaa- إِخْفَاء   : veut dire lire légèrement dans nenez.

Après meem saakin si ena lettre BAA   (ب), nous faire Ikhfaa. Sa veut dire ki nous lire sa meem saakin la légèrement dans nenez.

Exemples :                            عَلَيْهِمْ بَرَكتٍ   ,        رُسُلُهُمْ بِالْبَيِّنتِ

3. Idgham - إِدْغَام  : veut dire melanger.

Après meem saakin si ena ene l’autre MEEM  (م), nous faire Idgham. Sa veut dire ki nous pou melange sa meem saakin la avec sa l’autre meem la et nous lire dans nenez.

Exemples :                            إِلَيْكُمْ مُّرْسَلُوْنَ   ,     لَهُمْ مُّوْسى

4 reglements concernant Noon saakin et Tanween

1. Izhaar    2. Ikhfaa   3. Iqlaab    4. Idghaam

(1). Izhaar – (إظهار ): veut dire lire normale et claire.

Apres Noon saakin ou Tanween si ena ene parmi sa six lettres la 
( ء ه ع ح غ خ) nous faire Izhaar.  

Sa veut dire ki nous pou lire sa noun saakin la et sa tanween la normale et claire sans ki nous prononce zotte dans nenez.

Exemples :

  اَنْعَمْتَ       ,        اَليْمًا حَكِيْمًا

---------------------------------------------

(2) Ikhfaa-(إخفاء)    : veut dire lire légèrement dans nenez.

               

Après noun saakin ou tanween si ena éne parmi sa 15 lettres la    (ت ث ج د ذ ز س ش ص ض ط ظ ف ق ك) nous faire Ikhfaa.

Sa veut dire ki nous lire sa noun saakin la et tanween la légèrement dans nenez.

Exemples :

مِنْ شَرِّ        ,        شَيْءٍ قَدِيْرٌ

 ------------------

3.     3. Iqlaab (إقلاب) –: veut dire changement.

Après noun saakin ou  tanween si ena lettre BAA (ب), nous faire Iqlaab.

  

Sa veut dire ki nous pou change sa noun saakin la ou sa tanween la en Meem ( م) et nous lire dans nenez.

Exemples :

  مِنْ بَعْد    ,    أَنْبِيَآءَ اللهِ    ,    قَوْلاً بَلِيْغًا   , خَبِيْرٌ بِمَا   ,   يَوْمَئِذٍ بِجَهَنَّمَ 

Remarque :

Normalement  pou facilite banne dimoune nous pou trouver ki dans Quraan fine ecrire ene ti meem ) م ) dans sa bannes places côte ena Iqlaab la.

---------------------------------------------------- 

 

4.  Idghaam – إِدْغَام : (veut dire mélange deux kitchose ensemble)

Après noun saakin ou  tanween si ena ene parmi sa bannes lettres  (ي , ر , م , ل , و , ن) la, nous faire Idghaam. Veut dire nous pou melange "noun saakin" ou  "tanween" avec sa bannes lettres la.

      

Dans sa deux lettres ( ل , ر) la, nous pou faire Idghaam complete. Sa veut dire ki nous pou mélange noun saakin ou tanween dans lettre

 ( ل , ر) completement sans faire ghunnah ( sans lire dans nenez).

Exemples:

تَوَّابًا رَّحِيْمًا

مِنْ رَّحْمَتِه

خَيْرًا لَّهُمْ

مِنْ لَّدُنْ

Dans sa quatre lettres (ي, م , و , ن)la, nous pou faire Idghaam incomplete. Sa veut dire ki nous pou mélange noun saakin ou tanween dans lettre (ي, م , و , ن) incompletement et dans sa cas la nous pou faire ghunnah ( lire dans nenez).

Exemples:

مِنْ وَّرَقَةٍ

مِنْ مَّقَامِكَ

مِنْ نّصِرِيْنَ

وَمَنْ يَّعْمَلْ

Remarque:

Dans sa bannes exemples suivants la pena Idghaam parceki ici “noun saakin” la li dans même mot ki yaa  ( ي ) et waaw ( و ) .

اَلدُّنْيَا

قِنْوَانٌ

صِنْوَانٌ

بُنْيَانٌ

Devoir :

Mentionne ki règlement (Qalqalah, Izhaar, Ikhfaa, Iqlaab) appliqué pou sa bannes mots la :

règlement	mots	règlement	Mots
	عِنْدَ اللهِ		وَانْحَرْ
	مِنْ خَوْفٍ		خَبِيْرٌ بِمَا
	مِنْ سُوْءٍ		مِنْ شَرِّ
	اَنْعَمْتَ		الأَبْتَرْ
	قِطْمِيْر		اَليْمًا حَكِيْمًا